Dëmtimet e Brojës e Dakut e largimi i Bares ka lënë boshllëk në grupin kuqezi. E kështu, duke qenë se Shqipëria do të presë Bullgarinë të martën në një miqësore, lista e Kombëtares ka pësuar ndryshime. Tekniku Sylvinho ka vendosur të thërrasë për herë të parë në Kombëtaren A sulmuesin Marvin Çuni. Sulmuesi shqiptar, i cili aktivizohet me skuadrën e Frosinone në kampionatin italian do të bashkohet me kuqezinjtë ditën e sotme. Nesër Çuni do të zhvillojë edhe seancën e parë stërvitore në radhët e Kombëtares shqiptare.
Marvin Çuni ka qenë më parë pjesë e Kombëtares U-19, teksa numëron gjashtë paraqitje dhe dy gola. Tani djaloshi do të ketë mundësinë të japë kontributin e tij edhe me Kombëtaren A. Kuqezinjtë kanë nisur përgatitjet për ndeshjen miqësore ndaj Bullgarisë që do të luhet të martën në stadiumin ‘Air Albania’ në ora 18:00.
Trajneri Silvinjo nuk do të ketë në dispozicion në këtë takim Mirlind Dakun i cili ka lënë grumbullimin për shkak të një tërheqjeje në muskujt e kofshës. Qendërsulmuesi u dëmtua gjatë ndeshjes me Çekinë. Nuk është me pjesë e grupit edhe mesfushorin Keidi Bare. Pas kërkesës zyrtare nga klubi i Espanyol për ta lënë të lirë, Sylvinho e ka lejuar të largohet. Motivi ka qenë ndeshjea e rëndësishme që klubi spanjoll do të zhvillojë këtë fundjavë në kampionat.
