Finalja e vogël, ajo për vendin e tretë e të katërt në Abissnet Superiore, do të luhet gjithësesi, edhe pse këtë herë vetëm për statistikë. Të gjitha skuadrat pjesëmarrëse në Final 4 e kanë siguruar prezencën në Europë për sezonin e ardhshëm, kështu që suksesi do të jetë moral. Dinamo City – Partizani, e vlefshme për vendin e tretë/katërt në “Abissnet Superiore”, do të zhvillohet më 10 maj, në orën 19:00, në stadiumin “Elbasan Arena”.
Në fakt, përballja për vendin e tretë dhe të katërt, ku pjesëmarrës janë Dinamo e Partizani, fillimisht ishte e planifikuar për t’u luajtur më 9 maj në Elbasan. Ky ndryshim vjen për shkak të zhvillimit të garës ndërkombëtare Giro d’Italia në datat 9, 10 dhe 11 maj në Shqipëri, gjatë së cilës një pjesë e rrugëve do të jenë të bllokuara.
Vendimi është marrë pas konsultimeve me Policinë e Shtetit dhe në dakordësi me klubet Dinamo City dhe Partizani.
Ndryshon data e përballjes Dinamo City Partizani në Final 4 për vendin e 3/4 ⚽
10 maj, 19:00, ️ "Elbasan Arena"
️ Biletat mund t’i blini përmes kompanisë T-Ticket në . ose në biletarinë fizike pranë stadiumit.#Final4 #abissnetsuperiore pic.twitter.com/ekxl4BYj86
— FSHF (@FSHForg) May 7, 2025
