Ish-presidenti Joe Biden e ka vazhduar traditën e filluar nga presidenti Reagan që t’ia lë një letër pasuesit të tij në Shtëpinë e Bardhë, veprim të cilën e bëri dje me ardhjen e presidentit Trump në Zyrën Ovale.
Që prej vitit 1989, kur Ronald Reagan ia la në tavolinë një letër presidentit në ardhje George H.W. Bush, tradita ka vazhduar pandërprerë.
Presidenti i 47-të i SHBA-së, Donald J. Trump, e gjeti letrën e lënë nga presidenti i 46-të pas një rikujtimi nga njëri prej gazetarëve të pranishëm gjatë kohës sa po nënshkruante vendime në Resolute Desk.
“A të ka lënë presidenti Biden letër”, e pyeti presidentin Trump një gazetar.
“Ndoshta, po a nuk e lënë në tavolinë? Nuk e di. Ou, faleminderit Peter, mund të kishin shkuar vite para se ta gjeja. Uau, faleminderit. Ndoshta duhet ta lexojmë të gjithë së bashku. Ndoshta duhet ta lexoj unë fillimisht, e pastaj ta marr atë vendim. Peter, faleminderit shumë, mund të mos e kisha parë me muaj”, tha presidenti Trump pasi e gjeti letrën në sirtar./gazetametro.net
