Klima mes ish-bashkëshortëve Mauro Icardi dhe Wanda Nara bëhet sërish e ashpër. Pas dëshirës së shprehur për të bërë paqe dhe për të rifilluar të paktën një marrëdhënie korrekte, si dhe pasi kishin gjetur një marrëveshje të rreptë për kujdesin e vajzave, futbollisti ka vendosur të denoncojë ish-bashkëshorten për Revenge porn. Icardi pretendon se Wanda Nara ka shpërndarë një video të tij intime.
Wanda Nara e denoncuar nga Icardi për Revenge porn
Adnkronos raporton se ish-sulmuesi i Inter, pasi është këshilluar me avokatët e tij italianë Raffaele Rigitano, Valeria De Vellis dhe Salvatore Pino, ka vendosur të ndërmarrë të gjitha veprimet e nevojshme për të ndjekur penalisht ish-bashkëshorten Wanda Nara, të cilën e akuzon për Revenge porn. Icardi ka zbuluar se një video e tij intime, të cilën ia kishte dërguar në mënyrë të rezervuar dhe ekskluzive bashkëshortes në kohën e marrëdhënies së tyre sentimentale, dyshohet se është shpërndarë online nga Nara. Sipas argjentinasit, qëllimi i ish-bashkëshortes ka qenë ta përgojojë dhe të prishë marrëdhënien dashurore me partneren e tij të mëvonshme Eugenia Suarez, të quajtur ‘China’. Sulmuesi është i gatshëm të luftojë në të gjitha instancat përkatëse.
Beteja ligjore për vajzat
Icardi dhe Wanda Nara prej kohësh janë në përplasje. Më herët, futbollisti kishte denoncuar ish-bashkëshorten për rrëmbim të padrejtë të vajzave të mitura. Kujdesi për vajzat, të voglat Francesca dhe Isabella, ka qenë objekti i konfliktit. Wanda Nara kishte bërë të ditur se nuk kishte problem t’i linte vajzat të flisnin në telefon me të atin çdo ditë. Icardi, megjithatë, i donte pranë vetes në Stamboll, ku jeton, pasi është futbollist i Galatasaray. Palët megjithatë duket se kanë arritur një marrëveshje së fundmi dhe thuhet se babai do të mund t’i shohë vajzat çdo 40 ditë. Por do të jetë Wanda Nara ajo që do të udhëtojë nga Italia në Stamboll me të voglat. Tani hapet një kapitull tjetër i përplasjes.
