Një ngjarje e rëndë ka ndodhur gjatë orëve të natës në spitalin e Vlorës, ku një grua e moshuar dyshohet se është vetëhedhur nga kati i tretë i godinës.
Bëhet fjalë për një rreth 75-vjeçare, me origjinë nga Borshi, e cila ishte e shtruar në repartin e kirurgjisë. Pavarësisht ndërhyrjes së stafit mjekësor, e moshuara ka ndërruar jetë si pasojë e plagëve të marra.
Sipas të dhënave paraprake, në momentin e ngjarjes gruaja dyshohet se ka pasur edhe familjarë që e shoqëronin në spital. Policia ka nisur verifikimet për zbardhjen e plotë të rrethanave të ngjarjes.
