Vllaznia nuk arrin ta vendosë nën presion Egnatian, e ndalur në shtëpi nga Elbasani, në javën e 26-të të Superiores. Në Loro Boriçi përfundoi me një barazim 1-1, duke lënë secilën skuadër me nga një pikë, por me keqardhje për shkodranët që humbën mundësinë më të mirë me Balaj. Kapiteni gaboi 11 metërshin, i neutralizuar nga Abalora, që kthehet protagonist pas muajve të vështirë.
Ndodh gjithçka në pjesën e parë
I gjithë spektakli u zhvillua në pjesën e parë, ku u shënuan dy gola dhe u humb një penallti. Vllaznia hapi ndeshjen në mënyrë spektakolare, duke zhbllokuar rezultatin me një gol të Deliut. Mesfushori realizoi në minutën e 11′, duke e bërë të dukej një fitore e thjeshtë. Pas këtij goli, Elbasani arriti të barazonte. Musta e dërgoi topin në rrjetë në minutën e 24′ dhe riktheu shpresat për ekipin e tij. “Ne kërkuam të fitojmë ndeshjen, ishte një penallti për Vllazninë që e priti Abalora, ishte një shtyllë. Ndoshta barazimi sot ishte, kishim edhe ne raste, por sot ndoshta ishte i drejtë”, tha tekniku i Elbasanit Ivan Gvozdenovic,
Penalltia e humbur e Balaj
Vllaznia megjithatë mund të kishte rigjetur avantazhin në pjesën e parë, që ofroi më shumë emocion për publikun. Një penallti e akorduar dhe e marrë përsipër nga kapiteni Bekim Balaj u ndalua nga portieri Abalora. Kjo humbje mundësie ndihmoi që rezultati të mbetej i barabartë deri në fund të ndeshjes. Përfaqësimin e portierit të verdhebluve e elozhoi edhe tekniku i shkodranëve Thomas Brdaric: “Ishte një ndeshje e luftuar dhe e dimë që në këto ndeshje ndaj ekipeve të forta që përballen, momenti është vendimtar. E kishim momentin në krahun tonë, nuk e përdorëm, krijuam mundësi dhe kjo më pëlqeu, që krijuam. Por fatkeqësisht pa fatin në krahun tonë dhe ndaj një portieri shumë të mirë si i Elbasanit”.
Pozitat në renditje
Pas këtij rezultati, Vllaznia vazhdon të mbetet në vendin e dytë me 45 pikë, duke mbajtur një pikë prapa Dinamon, por me rrezikun të humbasë nga sytë Egnatian kryesuese, që duhet ende të luajë. “E dimë që që te Elbasani janë me eksperiencë, po luttojnë për “Final Four” – tha Brdaric -. Arritëm t’i mbajmë në distancë, por përsëri e nisëm ndeshjen për të marrë pikë e fituar. Ia dolëm të marrim vetëm një, e di që mund të ishte më shumë dhe nëse fati do të ishte në anën tonë, do të punojmë që në ndeshjen tjetër të shënojmë. Të ruajmë portën e paprekur dhe shpresojmë që të kalojmë turin në ndeshjen e radhës”.
Elbasani mban vendin e pestë me 31 pikë. Të dy ekipet tani do të përgatiten për sfidat e ardhshme në kampionat, me shpresën për të arritur rezultate më të mira. “Tani krizë kemi rezultatet, kemi nevojë për pikët, por për mua është e rëndësishme që të mos humbim besimin – gjykoi Gvozdenovic -. Kemi nevojë për besim, deri tani jemi shumë të kënaqur me skuadrën por kemi nevojë për pikë. Ngërç nga pikët. Nga loja, atmosfera e cilësia jam i kënaqur nga ekipi i Elbasanit”.
