Dusan Vlahovic dhe Juventus janë në marrëdhënie shumë të tensionuara. Futbollisti serb është jashtë planeve të bardhezinjve dhe nuk ka hapësirë për të qepur marrëdhënien: Zonja e Vjetër do të donte ta shiste në këtë merkato për të kursyer sa më shumë të jetë e mundur dhe për të hequr një peshë nga bilanci (gati 20 milionë), por sulmuesi ka refuzuar ofertat e Fenerbahçes dhe të një klubi nga Arabia Saudite, duke këmbëngulur dhe duke shkuar drejt ‘përplasjes frontale’.
Krahasuar me disa javë më parë, megjithatë, sulmuesi ka bërë disa hapa përpara dhe ka disa rrugë që mund të ndiqen për të mbyllur një çështje që po bllokon merkaton bardhezi në sulm: komponentja ekonomike, megjithatë, është vendimtare dhe mund të jetë një faktor që rrezikon të mbajë të bllokuara hyrjet te Juventusi. Në sfond është gjithmonë hipoteza Milan, me Allegrin që do të ishte i lumtur ta kishte sërish Vlahovic në skuadër por kuqezinjtë do të hynin në garë vetëm me kushte të caktuara ekonomike. Igli Tare ka një plan por shumë varet nga mënyra si do të veprojnë Vlahovic dhe Juve në ditët në vijim.
Tare e plani për të sjellë Vlahovic te Milan
Në pritje për të kuptuar përfundimin e operacionit Jashari, Milan po punon për të përforcuar skuadrën me dy mbrojtës anësorë titullarë dhe po vlerëson disa emra për të shtuar forcat në sulm. Emri më i përfolur është ai i Vlahovic, të cilin Tare dhe Allegri po e ndjekin me shumë vëmendje duke parë situatën e tij si i ndarë nga shtëpia me Zonjën e Vjetër.
Operacioni nuk është i thjeshtë por drejtori sportiv i kuqezinjve ka një plan për t’ia rrëmbyer sulmuesin serb bardhezinjve dhe për ta sjellë në Milanello: shumë varet nga mënyra si do të veprojnë Vlahovic dhe Juve në ditët në vijim, duke qenë se Zonja e Vjetër e ka merkaton e bllokuar në hyrje në sulm pikërisht për shkak të situatës së serbit dhe një zgjidhje e shpejtë do të ishte në interes të të dyja palëve.
Për të zhbllokuar çështjen duhet të realizohen disa kushte dhe rrugët janë në thelb dy: e para, me Vlahovic që shkëputet nga Juve (me një dëmshpërblim); dhe e dyta, që të mund të blihet me një çmim që klubi i via Aldo Rossi e konsideron të përshtatshëm (rreth 20 milionë).
Pasi të rregullohet çështja e kartonit mbetet të arrihet marrëveshja për pagën: te Milani nuk do të merrte kurrë pagën aktuale prej 12 milionë euro neto në sezon që do të përfitonte te bardhezinjtë dhe Vlahovic duhet të bëjë një hap drejt kuqezinjve duke e përgjysmuar (ose pothuajse) rrogën e tij për të veshur fanellën e Djallit.
Situata është mjaft e ndërlikuar dhe nuk do të jetë e thjeshtë të arrihet në një fund të lumtur për disa ditë por Tare po punon për të vendosur të gjitha pjesët e pazëllit dhe për t’i dhuruar Massimiliano Allegrit sulmuesin që e dëshiron kaq shumë. Siç raporton La Gazzetta dello Sport, Dusan Vlahovic nuk është opsioni i vetëm sepse Milani do të kishte bërë sondazhe edhe për Victor Boniface të Bayer Leverkusen dhe Nicolas Jackson të Chelsea, por të dy kanë kosto shumë të larta.
