Albert Sylaj, i dyshuar për vrasjen e 49-vjeçares Arlinda Zekaj, është arrestuar në Deçan, dy ditë pas ngjarjes. Policia e Kosovës njoftoi se arrestimi u krye rreth orës 23:40, pas operacionit për lokalizimin dhe kapjen e tij.
“Arrestimi është realizuar sonte, rreth orës 23:40, në Deçan, pas veprimeve të ndërmarra nga njësitet përkatëse policore”, bëri të ditur policia.
Sylaj dyshohet se qëlloi për vdekje kunatën e tij, Arlinda Zekaj. Sipas raportimeve, mes tyre kishte prej kohësh konflikte familjare, ndërsa 49-vjeçarja kishte kërkuar më herët ndihmë pranë institucioneve përkatëse.
