Sulm shumë i ashpër nga Claudio Zuliani ndaj prokurorit federal Giuseppe Chinè. Sulmi është kundër atij që më 20 janarin e kaluar kishte kërkuar nëntë pikë dënimi kundër Juventus. Kërkesë që më vonë u bë 15 në vendimin final. Në këtë kuptim ka mbërritur edhe sulmi i egër i gazetarit dhe tifozit të njohur të Juventus.
Sot Zuliani foli në kanalin e tij në Youtube dhe përdori fjalë të forta kundër prokurorit federal Chinè: “Lëvizja brenda prokurorisë federale është e qartë. Le të shpresojmë që Kolegji i Garancisë së Sportit të veprojë ndryshe”. Më pas, ai rriti dozat për vendimmarrësin: “I hoqi 15 pikë Juves në 42 minuta, sepse drejtësia sportive duhet të jetë e shpejtë. Por me Jose Mourinho trajtimi ishte ndryshe”.
Gjatë fjalës së tij, gazetari ndërhyri për pezullimin e skualifikimit të teknikut të Romës Mourinho. Kjo do ta lejojë Special One të jetë në pankinë ndaj Juves: “Nuk e kemi parë kurrë një gjë të tillë, por pse u mor ky vendim? Sepse Chinè argumenton se nuk është e drejtë që të bëhet një skualifikim përpara se të sqarohen faktet. Në dënimin ndaj Juventus ai ishte shumë i shpejtë. Por tani befas Drejtësia nuk duhet të jetë më e nxituar”.
