Marcell Jacobs, kampioni olimpik i 100 metrave për meshkuj në Tokio 2020, dorëzoi kurorën e më të shpejtit në Olimpiadën e Parisit te amerikani Noah Lyles me 9″79. Favoriti i madh arriti të triumfonte vetëm me 5 të mijtat, përpara xhamajkanit Kishane Thompson. Podiumin e kompletoi sprinteri tjetër i SHBA-së Fred Kerley me 9″81.
Gara ishte gjithashtu shumë e pasigurt për vendet e para me xhamajkanin Thompson që mori kryesimin pothuajse menjëherë pas startit dhe Lyles i cili, si zakonisht, nuk e nisi në mënyrën më të mirë. Por më pas amerikani me një përparim të frikshëm rikuperoi pozicion pas pozicioni dhe i hoqi gëzimin e fitores kundërshtarit të tij, për titullin e tij të parë olimpik. Kjo ishte edhe medalja e parë personale në këtë garë për Lyles.
Një tjetër vend i katërt, ndërkohë, në një eveniment të madh botëror për afrikano-jugorin Akani Simbine me 9″82. Ai la prapa italianin Jacobs, ndërsa i gjashti u rendit atleti nga Botsvana Letsile Tebogo me 9″86 e në vendin e shtatë amerikani Kenny Bednarek me 9″88. I teti e mbylli garën xhamajkani tjetër Oblique Seville, një nga favoritët për podium, me 9″91. Pikërisht koha e këtij të fundit bëri që gara e 100 metrave në Paris të futet në histori. Asnjëherë më parë të gjithë sprinterët në finale nuk kishin vrapuar në kohën e 10 sekondave.
<blockquote class=”twitter-tweet” data-media-max-width=”560″><p lang=”en” dir=”ltr”>Noah Lyles #1- 100m Paris Olympics 2024 GOLD! <a href=”https://t.co/ud53AiEF8a”>pic.twitter.com/ud53AiEF8a</a></p>— Wendell Pierce (@WendellPierce) <a href=”https://twitter.com/WendellPierce/status/1820280834550575373?ref_src=twsrc%5Etfw”>August 5, 2024</a></blockquote> <script async src=”https://platform.twitter.com/widgets.js” charset=”utf-8″></script>
