E pabesueshme ajo që ndodhi në javën e 29 të Bundesligës, gjatë ndeshjes mes Borussia M’gladbach dhe Borussia Dortmund. Arbitri akordoi një penallti, goli u shënua nga Sabitzer, por më pas ndërhyri VAR dhe e anuloi penalltinë, ndërsa lojtarët po festonin.
Episodi ndodhi në pjesën e dytë, me rezultatin 2-1. Arbitri akordoi një penallti për Dortmund për një faull të portierit Omlin ndaj Adeyemi. Nga 11 metrat u shfaq Sabitzer, që e shndërroi penalltinë në gol, duke kompletuar trigolëshin e tij personal dhe duke e bërë rezultatin 3-1 për skuadrën e tij. Pikërisht atëherë, gjatë festës, gjyqtari Florian Badstübner ndaloi gjithçka dhe u kërkoi lojtarëve të prisnin.
Penalltia, në fakt, ishte goditur në mes të një rishikimi nga VAR. Arbitri i ndeshjes në fakt u thirr përsëri në monitor, ku ndryshoi mendim. Kështu, asnjë penallti nuk kishte e rrjedhimisht edhe goli i Sabitzer nuk vlente, me lojtarin që duhet të kënaqej me dy golat e mëparshëm të shënuar.
