Mediat kanë publikuar pamjet kur një diskutim mbi statusin e një figure opozitare të burgosur, Can Atalay, shkaktoi një përleshje brenda parlamentit të Turqisë.
Pamjet tregojnë deputetin e majtë Ahmet Sik, nga Partia e Punëtorëve të Turqisë (TIP), në tribunë duke mbajtur një fjalim ndërsa Alpay Ozalan, një deputet nga partia qeverisëse AK e Rexhep Tajip Erdogan, i afrohet dhe përpiqet t’i japë një shuplakë.
Më pas shpërthen një përleshje masive midis anëtarëve të partive kundërshtare, ndërsa Sik bie në tokë. Zyrtarët e parlamentit u panë duke pastruar gjakun nga dyshemeja pas përleshjes. Avokati dhe aktivisti për të drejtat Can Atalay humbi vendin e tij parlamentar në fillim të këtij viti.
Sik po mbronte Atalay kundër sulmeve të ligjvënësve të partisë AK kur shpërtheu sherri. Atalay kandidoi për një vend nga burgu pasi u dënua me 18 vjet burg, në vitin 2022, pas një gjyqi të diskutueshëm.
