Dihej se problemi më i madh i teknikut Carlo Ancelotti do të ishte gjetja e ekuilibrave të rinj në një Real Madrid edhe më të fortë, pas ardhjes së Kylian Mbappé. Këtë e dinte mirë edhe trajneri italian dhe tani, pas barazimit 1-1 kundër Mallorca, në debutimin e tyre në La Liga, përplasjet e para shfaqen te Merengues.
Në fakt, leximi i buzëve të Jude Bellingham në fund të pjesës së parë të ndeshjes së barazuar në Balearics nuk kaloi pa u vënë re. Mesfushori anglez u drejtohet tre yjeve të tjerë ofensivë të skuadrës, Mbappé, Vinicius Jr dhe Rodrygo në një mënyrë mjaft elokuente…
LEXIMI I BUZËVE TË ANGLEZIT NDEZ REAL MADRID
Daily Mail, duke marrë në konsideratë atë që u raportua nga shtypi spanjoll, vuri në pah brishtësinë e parë në drejtimin e Real Madrid. Barazimi ndaj Mallorca i ka lënë të gjithë të pakënaqur, në radhë të parë teknikun Ancelotti, por edhe lojtarët. E Bellingham shprehu zhgënjimin e tij në pjesën e parë duke treguar me gisht tre tenorët e sulmit të skuadrës, në një lexim buzësh që u bë viral shpejt.
Anglezi, i cili me ardhjen e Mbappé u spostua në mesfushë, u filmua nga kamerat teksa iu drejtua francezit dhe brazilianëve Vinicius dhe Rodrygo, duke u thënë: “Ju të tre, duhet të përfundojmë aksionet, sepse të vrapojmë prapa… është tmerrësisht e lodhshme. Krijo hapësirën dhe godit”. I fundit i ardhur në ekip, francezi, u duk menjëherë se ishte dakord me shokun e skuadrës: “Po e them edhe unë. Duhet të konkludojmë”, konfirmoi ai. Në atë moment mesfushori shtoi: “Po, edhe krijoni hapësirë, edhe godisni”.
Fjalë elokuente që e bëjnë të qartë se mekanizmat e Realit të ri Galacticos nuk janë grasatuar ende në mënyrë të përsosur. Ndërkohë, shtypi spanjoll nisi fantazitë, duke krijuar akronimin BMV (Bellingham-Mbappé-Vinicius), nga i cili u përjashtua Rodrygo. Braziliani, sipas asaj që del nga Valdebebas, nuk e ka marrë shumë mirë këtë gjë…
Bellingham: “You three, we need to finish the attack, because the running back… is f*cking hard.”
Mbappé: “That’s what I’m saying. We have to finish with something.”
Bellingham: “Yeah, even… create a yard and [shoot].” pic.twitter.com/Js6o6IcNMy
— TC (@totalcristiano) August 18, 2024
