Video/ Pas Bayern edhe Dortmund: Werner e Orban i japin Leipzig gjysëmfinalen e Kupës së Gjermanisë

Leipzig kualifikohet në katër skuadrat më të mira të Kupës së Gjermanisë, duke mposhtur 2-0 Borussia Dortmund. Eliminimi i verdhezinjve, favoritë për fitoren e trofeut, ishte befasia e madhe tjetër e turneut pas Bayern Mynih. Vendosën ndeshjen golat e Werner në pjesën e parë dhe Orban në kohën shtesë. Në ndeshjen tjetër, i mjaftoi një 1-0 Sttutgart për të kaluar përballë Nuremberg, falë golit të Miliot, 7 minuta nga fundi.

Skuadra e Red Bull prezantohet kështu në gjysëmfinale të Kupës së Gjermanisë. Një fitore shumë e rëndësishme për Liepzig, që tani është favoriti i madh për trofeun, me Bayern e Borussia jashtë. Goli i Timo Werner në minutën e 22 shtroi rrugën e suksesit për vendasit. Dortmund u mundua të reagonte, por ishte e pafuqishme për ta bërë. Leipzig e dominoi takimin në të gjitha statistikat: 10 goditje në portë ndaj vetëm 2 të miqve. Shtatë tentativa të skuadrës së Marco Rose përfunduan jashtë kuadratit, ndërsa verdhezinjtë provuan vetëm një herë. Në fund, erdhi edhe goli i Orban që mbylli historinë.

 

Në cerekfinale të Kupës së Gjermanisë, Sttutgart fiton ngushtë kundër Nuremberg, duke u kualifikuar në katër më të mirat e turneut. Vendosi ndeshjen një gol i Miliot në minutën e 83′, që mjaftoi për të prekur gjysëmfinalen. Në gjysëmfinale të Kupës së Gjermanisë janë tashmë bashkë me Leipzig e Sttutgart, edhe Freiburg e Eintracht Frankfurt.

 

Romani “Doktoresha” për nga përshkrimi i Shqipërisë në diktaturë përngjan shumë me Afganistanin e Khaled Hosseinin, përmes veprës “Gjuetari i balonave”: Si Afganistani nën sundimin e talebanëve … Mund ta gjeni në te gjitha libraritë Për porosi kontaktoni në numrin: 067 53 32 700
Scroll to Top