Gjatë ceremonisë së FIFA The Best, Kylian Mbappè bëri një koment për Serie A dhe Milan që i çmendi tifozët në rrjetet sociale. Pavarësisht se nuk kishte fitoi asnjë çmim individual, përveç se u vendos në Top 11 të vitit, Kylian Mbappè ishte ulur në plate. Duke mos qenë protagonist i mbrëmjes, rol që i takoi edhe një herë Lionel Messi, i vlerësuar si lojtari më i mirë, francezi mori pak vëmendje. Kamerat u ndalën tek ai vetëm në kohën e dorëzimit të çmimit për Dibu Martinez, për portierin më të mirë. Sulmuesi i PSG nuk bëri asnjë reagim, pavarësisht tensioneve mes tij dhe portierit argjentinas.
Thank you for reading this post, don't forget to subscribe!
MBAPPE ÇMEND TIFOZËT E MILAN
Por edhe pse mbrëmja nuk ishte e tij, Mbappè arriti të tërheqë vëmendjen me një koment përtej ceremonisë. Në një video, ai shfaqet duke u larguar nga platea, duke iu përgjigjur dikujt me një deklaratë që nuk lë vend për interpretim: “Si je viens, c’est que le Milan AC” (Nëse vij, është vetëm për AC Milan). Francezi nuk e ka fshehur asnjëherë pasionin e tij për skuadrën kuqezi dhe ky koment ka zgjuar imagjinatën e tifozëve të Milanit. Natyrisht një e ardhme me francezin në skuadër është ëndërra e tyre, që kanë shfrenuar imagjinatën në rrjetet sociale.
Padyshim që mbetet ende një ëndërr, të paktën tani për tani, të shohësh yllin e PSG në Milano. Por vlerësimi i treguar nga numri 10 i Francës i jep meritë Milanit në çdo rast. E ndoshta një ide për merkaton pronarëve…
