Interi u rrëzua përsëri në transfertë, duke humbur 2-1 kundër një Spezia që nuk kishte fituar prej tetë ndeshjesh. Vendasit nuk kishin festuar në Picco që nga 17 shtatori: një përjetësi. Pas një pjese të parë të dominuar, me penalltinë e humbur nga Lautaro dhe pritjet e Dragowskit, zikaltrit u ndëshkuan nga Maldini (54′). Inzaghi guxoi me tre sulmues (plus Carboni) dhe Lukaku barazoi me penallti (83′). E megjithatë befasia vjen në fund. Nzola shënon 2-1 nga 11 metra dhe fikson disfatën e tetë sezonale për zikaltrit.
E tani vetëm Liga e Kampionëve mbetet për të provuar të shpëtohet ajo që mund të shpëtohet. Të paktën fytyra. Ajo fytyrë që Interi e humbi në Spezia. Humbja e tetë në kampionat, kur gara e Champions League po bëhet shumë e ndërlikuar. E sigurisht tifozët janë zyrtarisht të lodhur nga këto luhatje. Kontestimi i tifozëve zikaltër është fjala e fundit që vjen nga Picco. E bën shumë zhurmë në fakt. Do të ketë një mënyrë për të analizuar përse, por ndërkohë të dhënat janë të bujshme. Interi në transfertë nuk funksionon. 2-1 për Spezia ekspozon të gjithë kufijtë mendorë të një ekipi që do të kishte nevojë për një terapi të mirë grupi për t’i zgjidhur. Ndërkohë, të martën është një çerekfinale e Champions League për të tentuar. Për të ëmbëlsuar pak shijen e hidhur të një kampionati jo në lartësinë e Interit.
