Granit Xhaka është protagonist absolut i Leverkusen. Mesfushori shqiptar realizoi eurogol për “aspirinat”, në ndeshjen e Bundesligës ndaj Frankfurt.
Pas një topi të largua nga mbrojtja kundërshtare, e majta e Xhakës përfundoi në rrjetë, me portierin Kevin Trapp që në këtë rast nuk mund të bënte asgjë, pavarësisht se “fluturoi” por pa mundur dot për të mbërritur topin.
Për 31-vjeçarin, ky është goli i 3 në kampionat, në 31 ndeshje. Ai ka kontribuar mjaft për Leverkusen në këtë sezon, duke i dhënë një ndihmë të madhe në fitoren historike të titullit kampion.
Besimi i dhënë nga trajneri Xabi Alonso është shpërblyer më së miri, me paraqitjet e lojtarit që kanë qenë në nivelin e duhur. Xhaka u transferua te Leverkusen në verën e kaluar, pas disa vitesh qëndrimi te Arsenal.
https://twitter.com/centregoals/status/1787146092531925287?ref_src=twsrc%5Etfw%7Ctwcamp%5Etweetembed%7Ctwterm%5E1787146092531925287%7Ctwgr%5E061d244578aff489c3e03766e93dcab2086dedc7%7Ctwcon%5Es1_&ref_url=https%3A%2F%2Fboldnews.al%2F2024%2F05%2F05%2Fvideo-granit-xhaka-shenon-nje-tjeter-gol-spektakolar-me-leverkusen%2F
