Spektakël në Premier League. Tottenhami u rrëzua në javën e 13 të Premier League, i mundur në shtëpi nga Aston Villa. Skuadra e Postecoglou kaloi në avantazh me Lo Celso, për u përmbys nga Pau Torres dhe Watkins. Manchester United fitoi 3-0 ndaj Everton. Rashford, Martial dhe një kryevepër nga Alejandro Garnacho vendosën ndeshjen. Një goditje spektakolare në rovjeshatë e argjentinasit, e ngjashme me atë të Rooney në derbin e Mançesterit të vitit 2011, edhe pse djaloshi festoi si Ronaldo.
Gjithçka ishte e lehtë për Manchester United, që mposhti 3-0 Everton në transfertë. Në minutën e tretë të lojës, Red Devils hapën menjëherë rezultatin, falë golit të mrekullueshëm të argjentinasit Garnacho. Një krosim nga e djathta e Dalot dhe një goditje në akrobaci e sulmuesit, me topin që përfundoi pas shpinës së Pickford. Goli ishte i ngjashëm me akrobacinë e Rooney në derbin e Mançesterit shumë vite më parë, edhe pse festa ishte si e Ronaldos. Pas reagimit të ndrojtur të Toffees, që nuk çoi në barazim, miqtë u kthyen të shtyjnë përpara, për të tentuar të siguronin rezultatin.
Në pjesën e dytë gjërat nuk ndryshuan, dhe në minutën e 56′ skuadra e Ten Hag dyfishoi epërsinë. Një penallti e fituar nga Martial (e akorduar pas kontrollit të VAR) u kthye në gol nga Rashford. Në fund mbërriti edhe goli që mbyll ndeshjen, me Bruno Fernandes që shërbeu për Martial, i cili shënon komod në minutën e 75′. Manchester United fiton 3-0 dhe kthehet në vendin e gjashtë, me 24 pikë. Evertoni mbetet i parafundit, me 4 pikë pas penalizimit.
