Frikë, në tribunat e Sukru Saracoglu, gjatë derbit të Stambollit, të luajtur të shtunën më 27 prill, mes Fenerbahce dhe Besiktas. Skuadra e Ernest Muçit, që luajti 62 minuta në derbi, u mposht 2-1 falë golave të Batshuayi dhe Irfan Kahveci. Gjatë ndeshjes ka pasur momente paniku për shkak të një rakete që ka rënë në seksionin e miqve në stadium.
RAKETA BIE NË MESIN E TIFOZËVE
Gjatë ndeshjes, disa ultras të Besiktas, të cilët më vonë u konstatua se i përkisnin Kara Kartallar, një nga grupet ultras më të rrezikshme në Europë, hodhën një raketë në drejtim të fushës.
ASNJË I PLAGOSUR
Raketa, e lëshuar në mënyrë të ngathët, përfundoi mes vetë tifozëve pasi kishte goditur strukturën e sipërme të sektorit të miqve, duke rrezikuar të shkaktonte zjarr. Disa tifozë u goditën nga flakët, por fatmirësisht nuk raportohet për të lënduar.
https://twitter.com/Barras_LATAM/status/1784607634940670244?ref_src=twsrc%5Etfw%7Ctwcamp%5Etweetembed%7Ctwterm%5E1784607634940670244%7Ctwgr%5Ea5f40d56a5fbef209c8d0f645866baa282293d8c%7Ctwcon%5Es1_&ref_url=https%3A%2F%2Flapsi.al%2F2024%2F04%2F29%2Fvideo-fenerbahce-besiktas-tmerrohen-tifozet-e-mucit-ne-stadium-nje-rakete-godet-sektorin-e-miqve%2F
