Douglas Luiz, blerja e re e Juventus, është në shënjestër të kritikave në Brazil pasi Selecao u eliminua me penallti kundër Uruguajit. Ish-lojtari i Aston Villa goditi dhe e humbi penalltinë, duke tentuar një
“no-look”.
DOUGLAS LUIZ GABOI PENALLTINË NO-LOOK
Brazili doli në çerekfinale të Kupës së Amerikës pasi humbi me penallti ndaj Uruguajit. Peshuan gabimet nga pika e bardhë të Eder Militao dhe blerjes së re të Juventus, Douglas Luiz. Mesfushori goditi shtyllën në penalltinë e fundit. Megjithatë, një detaj që nuk u ka shpëtuar tifozëve brazilianë ishte mënyra se si ish-lojtari i Aston Villa e humbi penalltinë. Douglas Luiz në fakt ekzekutoi penalltinë pa parë, të famshmen no-look, që fatkeqësisht për të u stampua në shtyllë dhe shkaktoi humbjen e kombëtares.
TIFOZËT BRAZILIANË TË TËRBUAR ME TË
Versioni i tentuar no-look në penalltinë vendimtare nuk u mor mirë në Brazil dhe shumë tifozë në rrjetet sociale drejtuan gishtin ndaj sjelljes së mesfushorit. Komente vërshuan kundër tij në rrjetet sociale dhe ato më pikantet janë: “Në ekipin tim nuk do të lidhte as këpucët pas kësaj”; “Imoral”; “E bëri me qëllim!”; “Ishte Alisha që e priste në shtëpi”.
O Douglas Luiz VIROU A CARA pra bater o pênalti?
É isso?
Kkkkkk no meu time nunca mais pegaria coletepic.twitter.com/b2vJ7SM3Wn
— Igor Assunção (@Igortep) July 7, 2024
