Tension i lartë në intervalin e ndeshjes Napoli-Milan, mes Luciano Spalletti dhe Paolo Maldini. Trajneri i të kaltërve dhe drejtuesi i kuqezinjve patën një debat të ashpër në tunelin e dhomave të zhveshjes. Spalletti shpjegoi gjithçka pas ndeshjes: “Po i kërkoja llogari arbitrit për kartonin e verdhë të Lobotkës. Maldini kaloi pranë, duke tundur krahët sikur të thoshte ‘gjithmonë ankohesh’. Nëse ka pasur ndonjë që ka protestuar janë ata, si edhe vitin e kaluar. Edhe Pioli u thërrit, mua nuk më thërritën kurrë. Nuk më pëlqeu fakti që ai foli teksa po debatoja me arbitrin. Megjithatë gjithcka është në rregull për mua. Më erdhi keq, në fund është Paolo Maldini. Janë gjëra të pakëndshme”.

Duke shqyrtuar pamjet e shfaqura nga Dazn, duket se drejtuesi i kuqezinjve ka thënë: “Mister, jeni nervoz, fituat kampionatin, çfarë ka*in kërkon”. Pas një sqarimi të shkurtër me trajnerin e Napolit, Rafa Leao u kujdes më pas për të rivendosur qetësinë dhe largimin e drejtorit të zonës teknike të Milanit.