Këngëtari i njohur Ermal Fejzullahu feston sot ditëlindjen, ndërsa urimin më të veçantë e ka marrë nga bashkëshortja e tij, Ariana. Në një postim në rrjetet sociale, ajo publikoi një fotografi të përbashkët, duke i dedikuar fjalë plot dashuri, ku e quajti “dhuratën më të bukur të jetës së saj”.
“Gëzuar ditëlindjen dashuria ime. Uroj që çdo ditë e jotja të jetë e mbushur me shëndet, lumturi e dashuri. Ti je dhurata më e bukur e jetës sime!”, ka shkruar Arjana.
Çifti, i cili prej vitesh gëzon një martesë të lumtur, janë prindër të katër fëmijëve: tre vajzave Era, Buna dhe Ana dhe djalit të tyre, Artit.
Ermali, një nga artistët më të dashur të muzikës shqiptare, vijon të jetë i suksesshëm në skenë, ndërkohë që familja e tij shpesh shihet si shembull i harmonisë dhe dashurisë.
