U plagos me plumb gome në sy gjatë protestës, Erjon Vishkulli rikthehet në Tiranë

Erjon Vishkulli, 28-vjeçari nga Elbasani që mbeti i plagosur në sy gjatë protestës, është rikthyer në Shqipëri pas tre javësh trajtim mjekësor në Itali.

I riu iu nënshtrua dy ndërhyrjeve kirurgjikale në klinikën e specializuar “Gemelli” në Romë, ndërsa pritet t’i nënshtrohet edhe një ndërhyrjeje tjetër.

Pas mbërritjes në Tiranë, Vishkulli është pritur nga miq dhe shokë të tij.

28-vjeçari u plagos në syrin e majtë, pasi u godit nga një objekt që dyshohet se ishte plumb gome, gjatë përplasjes me policinë. Pas ngjarjes, ai u transportua me urgjencë në Spitalin e Traumës.

Për shkak të dëmtimit të rëndë dhe nevojës për trajtim të specializuar, Vishkulli u dërgua më pas në Itali. Më 25 tetor, ai njoftoi se kishte mbërritur në Romë, ku pritej t’i nënshtrohej një tjetër ndërhyrjeje, duke shpresuar se do të arrinte të shpëtonte shikimin.

“Nuset e Vilës Blu” – Roman nga Flamur Buçpapaj

Romani i ri i autorit Flamur Buçpapaj, botuar nga Nacional, sjell një udhëtim mes dashurisë, dhimbjes dhe kujtesës – aty ku e kaluara dhe e tashmja takohen në një vilë blu plot sekrete. Gjej librin në libraritë kryesore dhe mëso pse “Vila Blu” nuk është thjesht një vend… por një simbol i shpirtit shqiptar. Për porosi ose kontakt: 067 533 2700
Scroll to Top