Michele Morrone mohoi thashethemet se ai është duke u takuar me Megan Fox pasi një video e tyre u rishfaq mes lajmeve për ndarjen e saj nga MGK.
“Çdo akuzë përtej një miqësie pune është thjesht e pavërtetë,” tha një përfaqësues i aktorit italian për TMZ për bashkë-aktorët e “Subservience” të martën. “Ata xhiruan një film së bashku një vit më parë. Michele është aktualisht në Itali për të filmuar një tjetër projekt.”
Një burim i brendshëm tha gjithashtu për Page Six se të dy nuk janë “të përfshirë në mënyrë romantike” dhe videoja e rishfaqur “është realizuar shumë kohë më parë” kur ata po filmonin thrillerin e publikuar në fillim të këtij viti.
Thashethemet e romancës filluan pasi një video e Morrone, 34, dhe Fox, 38, në setin “Subservience” u bë virale. Në klip, aktorja e “Transformers” mund të shihet duke u mbështetur në Morrone dhe duke buzëqeshur ndërsa ajo i mëson atij se si të shqiptojë “Spongebob”, gjë që ishte e vështirë për të për shkak të theksit të tij.
Disa fansa vunë në dukje “kiminë” e çiftit, me një person që shkruante: “Sinqerisht, nëse Megan Fox do të ndahej me të për Morrone, nuk do ta fajësoja fare atë”.
Videoja qarkulloi disa orë pasi u zbulua se Fox dhe MGK (Machine Gun Kelly) ishin ndarë ndërsa ishin në Vali, Colo., për fundjavën e Falenderimeve. Sipas TMZ, aktoja e “Jennifer’s Body” u largua herët pasi dyshohet se gjeti diçka shqetësuese në telefonin e muzikantit. MGK thuhet se u largua nga Kolorado menjëherë pas Fox dhe ata nuk kanë folur që atëherë.
Të dy thuhet se e u ndanë pasi njoftuan se po prisnin fëmijën e tyre të parë së bashku përmes Instagramit më 11 nëntor.
