Tarifat prej 10% ndaj Turqisë nga SHBA-ja nuk duket se kanë shkaktuar shumë pakënaqësi në lidershipin e këtij vendi.
”Tarifat e Donald Trump duket se janë në avantazhin tonë”, tha zëvendëspresidenti i Turqisë.
Bëhet e ditur se shumica e liderëve botërorë janë ankuar për taksat e Trumpit.
Por në Turqi duket se ka një shkallë të vogël optimizmi, shkruan skynews.
“Tarifa bazë e Trumpit luan në avantazhin e Turqisë”, tha zëvendëspresidenti Cevdet Yilmaz.
“Ka pasur tashmë tarifa për hekurin, çelikun dhe aluminin eksportet nga Turqia në SHBA. Kur SHBA vendosi tarifa të ngjashme mbi të tjerët, pati një barazim atje, ishte në favorin tonë”, shtoi ai.
Yilmaz tha se si importuese, Turqia do të përfitonte nga rënia e çmimeve ndërkombëtare të mallrave, përfshirë naftën.
Ndërsa ministri i tregtisë i Turqisë, Omer Bolat, tha se qeveria turke donte të negocionte me SHBA-në për heqjen e tarifave prej 10%.
Ai i quajti ato “më të mirat nga më të këqijat”, duke pasur parasysh tarifat më të larta në shumë vende të tjera.
