Presidenti i SHBA-së, Donald Trump, ka pranuar se vrasjet e dy qytetarëve amerikanë nga agjentë federalë në Minneapolis “nuk duhej të kishin ndodhur”. Ai reagoi pas kritikave të forta ndaj operacioneve të Shërbimit të Imigracionit dhe Doganave (ICE), që kanë shkaktuar protesta dhe debate kombëtare. 
Trump tha se shtysa e tij për deportime, e udhëhequr nga ICE, synonte “kriminelë vërtet të rëndë”, por pranoi se ngjarjet e fundit kanë qenë të trishtueshme dhe se duhet “një qasje më të butë” në zbatimin e ligjit. 
I pyetur nëse vrasjet e Renee Good dhe Alex Pretti ishin të justifikuara, Trump u përgjigj: “Jo. Nuk duhej të kishte ndodhur.”  Ai shtoi se “askush nuk mund të jetë i lumtur” për këto incidente, përfshirë edhe agjentët e ICE, por nënvizoi se ai duhet të mbështesë zbatimin e ligjit në përgjithësi.
