Donald Trump shprehu optimizëm në lidhje me bisedimet midis zyrtarëve amerikanë dhe ukrainas në Florida, duke u thënë gazetarëve në Air Force One se kishte një shans të mirë për një marrëveshje që do t’i jepte fund luftës.
Megjithatë, presidenti tha se korrupsioni në Ukrainë “nuk po ndihmonte”, komente erdhën disa ditë pas dorëheqjes së këshilltarit kryesor të Presidentit ukrainas Volodymyr Zelensky, Andriy Yermak. Bisedimet, sipas Trump, po ecin përpara dhe po shkojnë mirë dhe shtoi se vrasjet do t’i ndalojnë.
Ai tha se foli me Sekretarin e Shtetit Marco Rubio dhe të dërguarin special Steve Witkoff pas bisedimeve të tyre me zyrtarët ukrainas të dielën pasdite.
“Fola me ta dhe po shkojnë shumë mirë. Ukraina ka disa probleme të vështira, por mendoj se Rusia do të donte t’i shihte ato të zgjidhura”, tha Trump pas kthimit të tij në Uashington nga Florida.
Kur u pyet për të sqaruar probleme të vështira, presidenti amerikan iu referua një situate korruptive që nuk ndihmon.
“Mendoj se ka një shans të mirë që të bëjmë një marrëveshje”, shtoi Trump.
