Një nxënës ka qëlluar për vdekje të paktën nëntë persona, përfshirë bashkëmoshatarë të tij, dhe ka plagosur të paktën 13 të tjerë në një shkollë të mesme në jug-qendër të Turqisë, të mërkurën në provincën Kahramanmaraş. Sulmi u krye nga një nxënës i klasës së tetë, i cili gjithashtu ka vdekur.
“Me keqardhje raportojmë për nëntë viktima … dhe 13 të plagosur. Gjashtë prej tyre janë aktualisht në kujdes intensiv, tre prej të cilëve janë në gjendje kritike,” tha ministri i Brendshëm Mustafa Ciftci, raportojnë mediat turke.
Unluer tha se nxënësi që kreu sulmin besohet se përdori armë që i përkisnin babait të tij, një ish-oficer policie. Nxënësi i kishte fshehur armët në një çantë shpine, hyri në dy klasa dhe hapi zjarr “në mënyrë të rastësishme”, shtoi ai.
Ky është sulmi i dytë në shkolla në vend brenda dy ditësh, pasi të martën pati të shtëna në një shkollë të mesme në provincën Sanliurfa në juglindje. Ai u krye nga një ish-nxënës që vrau veten gjatë një përballjeje me policinë pasi plagosi 16 persona./gazetametro.net
Kahramanmaraş Ayser Çalık Ortaokulu’nda yaşanan silahlı saldırıda öğrenciler okul camlarından atlayarak hayatta kalmaya çalıştılar.#kahramanmaraş pic.twitter.com/5SLTcwKQig
— Sol Yumruk (@Sol_Yumrukk) April 15, 2026
