Edhe një herë, Tom Cruise dhe Ana de Armas bënë bujë kur u panë sërish bashkë, duke mbërritur me helikopter në heliportin Battersea të Londrës të premten e kaluar.
Të dy aktorët dukeshin në humor të mirë, ndërsa Cruise bisedonte me ekipin e tij.
Dalja e Cruise dhe De Armas vjen pasi ata u panë duke kaluar një natë së bashku në Londër të nesërmen e Shën Valentinit, kur në atë kohë u fotografuan duke darkuar dhe duke u larguar nga restoranti së bashku.
Ashtu si në rastin e fundit, të dy u panë me humor shumë të mirë, duke buzëqeshur dhe duke biseduar me njëri-tjetrin teksa hipnin në të njëjtën taksi.
Një burim i tha People se çifti darkoi me agjentët e tyre për të folur për bashkëpunimet e ardhshme dhe se “ata dukej se nuk kishin asnjë lidhje romantike, vetëm miqësi”.
Një vit më parë, Cruise ishte lidhur me Elsina Khayrova në shkurt 2024, por një muaj më vonë ata u ndanë pasi ish-burri i Khayrova raportohet se e paralajmëroi aktorin për të.
Megjithatë, Page Six detajoi se Cruise kishte frikë se romanca e tij me Khayrova “po lëvizte shumë shpejt”.
Tom ndezi thashethemet për romancë me këngëtaren Victoria Canal në gusht 2024, ndërsa de Armas u pa me Manuel Anido Cues në dhjetor të vitit të kaluar.
Cruise ka një vajzë, Isabella, 32 vjeç dhe një djalë, Connor, 30 vjeç, me ish-bashkëshorten Nicole Kidman; dhe një vajzë, Suri, 18 vjeç, me ish-bashkëshorten Katie Holmes.
