Tottenham thyen thatësirën e trofeve që zgjati 17 vite duke fituar Europa League kundër Manchester United: ishte një natë e paharrueshme për të gjithë lojtarët që gjetën shpagimin pas një sezoni të tmerrshëm, që i çoi të përfundonin fare pranë zonës së rënies nga kategoria në Premier League. Son dhe të gjithë shokët e tij të skuadrës e çuan në shtëpi kupën, të parën në karrierën e gjatë të jugkorean-it, duke u dhuruar një gëzim të jashtëzakonshëm të gjithë tifozëve. Në Bilbao pati një pushtim nga londinezët dhe ata që nuk arritën të shkonin në Spanjë, u mjaftuan duke ndjekur ndeshjen nga stadiumi i Spurs.
Klubi kishte vënë në dispozicion impiantin ku ishin instaluar ekrane gjigante për të ndjekur finalen: iniciativa regjistroi kapacitet të plotë dhe në fishkëllimën e tretë, tifozët bënë edhe pushtim fushe, edhe pse aty në fushë nuk kishte lojtarë. Euforia zgjati pak sepse zëri i speaker-it i ndërpreu të gjithë duke kujtuar se të shtunën stadiumi do të presë ndeshjen e fundit të sezonit dhe rreziku për të dëmtuar fushën ishte shumë i madh.
Incredible scenes at the Tottenham Hotspur stadium as thousands of fans storm the pitch pic.twitter.com/5U4SwgCMYV
— Japtej Ghura (@japtejghura) May 21, 2025
Pushtimi i fushës nga tifozët në Londër
Nëse në Bilbao ia dolën të përmbajnë vrullin e tifozëve, në Londër masat e sigurisë nuk qenë aq të forta dhe në fund ushtria e bardhë e Spurs u derdh e gjitha në fushë. Pushtimi ishte spektakolar, gjykuar nga pamjet e filmuara nga shkallët, por ishte i pazakontë sepse në fushë nuk kishte lojtarë që festonin me kupën. Tifozët anglezë bënë pushtim në stadiumin e gabuar, atë të Londrës, ku nuk po zhvillohej ndeshja por ishin vetëm ekranet gjigante të vëna në dispozicion nga klubi për të kënaqur edhe ata që nuk kishin mundur të siguronin një biletë për finalen.
Dhe kështu, ndërsa lojtarët e Tottenham festonin në Spanjë, tifozët e tyre bënin të njëjtën gjë qindra kilometra larg. Mbrëmja megjithatë përfundoi me një qortim të mirë nga ana e speaker-it që i dëboi të gjithë nga fusha. Duke folur përmes mikrofonit, ai kujtoi se në atë stadium të shtunën Spurs do të luajnë ndeshjen e fundit të sezonit dhe pushtimi i fushës i sapokryer rrezikonte të dëmtonte terrenin dhe të shkaktonte edhe ndonjë dëmtim për lojtarët për shkak të fushës së pabarabartë, të shkelur nga mijëra njerëz.
