Hapet faza me një grup të vetëm e Champions League 2025/26: dygolëshi me penallti i Mbappé shpëton Real Madrid, që përmbys 2-1 Marseille pas golit të Weah dhe përjashtimit të Carvajal. Barazim i çmendur 4-4 në torino mes Juventus dhe Borussia Dortmund. Super Vlahovic (dygolësh) shpëton Tudor, me bardhezinjtë që shënuan dy herë në shtesë, kur hyri edhe Zhegrova. Mirë edhe anglezet: Arsenal mposht 2-0 Bilbaon, ndërsa Tottenhami thyen 1-0 Villarrealin. Befasi bien në shtëpi PSV Eindhoven dhe Benfica: holandezët të mundur 3-1 nga Union Saint-Gilloise, portugezët të përmbysur nga 0-2 në 3-2 nga Qarabag.
JUVENTUS-BORUSSIA DORTMUND 4-4
Nis me një barazim spektakolar dhe që ka shijen e fitores rrugëtimi në Champions League i Juventus. Në “Allianz Stadium” kundër Borussia Dortmund përfundon 4-4 një ndeshje që në pjesën e dytë ka dhuruar emocione pa fund. Pas një pjese të parë pa gjallëri, ndeshja ndryshon krejtësisht fytyrë në pjesën e dytë. Për të zhbllokuar takimin mendon Adeyemi (52’), më pas Yildiz me një të djathtë me rrotullim “alla Del Piero” gjen barazimin në minutën e 63-të. As nuk ka kohë për të festuar dhe Nmecha nga kufiri i zonës rikthen në avantazh gjermanët (65’).
Dy minuta më pas Yildiz e dërgon në thellësi Vlahovic që gjen barazimin. Dortmund kthehet përpara me dy gola (Yan Couto me bashkëpunimin e Di Gregorio) dhe penalltia e Bensebaini dhe, kur çdo gjë dukej e humbur, Vlahovic ngushtoi diferencën në minutën e 94’ dhe në 96’ dhuroi asistin vendimtar për Kelly, që me kokë bën të shpërthejë popullin juventin.
REAL MADRID-MARSEILLE 2-1
Fillim i mirë (me vështirësi) për Real Madridin, që përmbys 2-1 Marsejën në shtëpi duke luajtur njëzet minuta me dhjetë kundër njëmbëdhjetë. Blancos nisin menjëherë fort, duke menaxhuar zotërimin e topit në gjysmën e fushës kundërshtare dhe duke rrezikuar avantazhin me shtyllën e Mastantuono në minutën e gjashtë. Në momentin më të mirë të vendasve, ja që godasin befasisht miqtë: në minutën e 22-të Greenwood shtron për 1-0 të Weah, që ngrin “Bernabeun”. Reagimi i njerëzve të Xabi Alonso është i menjëhershëm: në minutën e 28-të zakonshmi Mbappé shndërron penalltinë e fituar nga Rodrygo. Pjesa e parë mbyllet 1-1, me Rulli që ngrit murin dhe pengon spanjollët të përmbyllin përmbysjen.
Në pjesën e dytë Merengues vazhdojnë të shtyjnë, por në minutën e 72-të e komplikojnë jetën: Carvajal, futur në fillim të ndeshjes për shkak të dëmtimit të Alexander-Arnold, përjashtohet pas kontrollit të Var për një përballje të ashpër me Rullin. Pavarësisht lojtarit më pak, spanjollët gjejnë forcën të fitojnë një tjetër penallti në minutën e 81-të, me Mbappé që përmbys rezultatin duke shënuar dygolëshin personal, të 2-1 përfundimtar. Real nis me tre pikë, francezët të mundur pavarësisht një prove solide.
TOTTENHAM-VILLARREAL 1-0
Tre pikë inauguruese edhe për Tottenhamin, që thyen 1-0 Villarrealin në debutim. Mjaftojnë më pak se katër minuta londinezëve për të hapur ndeshjen: në fillim Bergvall kroson nga e djathta, me portierin mysafir Luiz Junior që e shtyn keq topin në portën e tij. Nëndetëset e verdha përpiqen të reagojnë duke u mbështetur kryesisht në goditje nga distanca, por pjesa e parë mbyllet 1-0 në favor të anglezëve. Ritmet në pjesën e dytë janë akoma më të ulëta: Spurs tentojnë me ndrojtje dyfishimin, pa rrezikuar asnjëherë në mbrojtje; spanjollët provojnë pa shumë energji, me takimin që shuhet pa gola të tjerë. Tottenham fiton 1-0 dhe nis Championsin e tij me tre pikë, Villarreal i shtrirë përtokë.
BENFICA-QARABAG 2-3
Përmbysje e çmendur e Qarabagut, që e kthen Benfican në transfertë nga 2-0 në 2-3. Fillim i furishëm nga portugezët, që pak pas çerek orës janë tashmë përpara me dy gola: në minutën e gjashtë Barrenechea hap shifrat, më pas dhjetë minuta më vonë Pavlidis dyfishon. Në një moment të parë miqtë duken të dorëzuar, por në minutën e 30-të Andrade ngushton diferencat mbi shpikjen e Duranit. Kolumbiani, autor i asistit, kthehet protagonist menjëherë pas pushimit, kur barazon llogaritë mbi asistin e Jankovic duke e rikthyer ndeshjen në ekuilibër. Lusitanët provojnë të kundër-reagojnë dhe godasin një shtyllë me Rios, por në minutën e 86-të përmbysja e azerëve plotësohet: asist i Zoubir për 3-2 befasues me firmën e Kashchuk. Befasi për Benfican, bosh në debutim dhe me 0 pikë. Tre pikë shumë të rëndësishme për Qarabag.
Lexo më tej: Juventus fiton ndeshjen e çmendur me 7 gola: Super Yildiz e Adzic dënojnë Inter
ATHLETIC BILBAO-ARSENAL 0-2
Nis mirë Arsenali, që merr tre pikët e para në “San Mames” kundër Athletic Bilbaos. Gjatë pjesës së parë Gunners provojnë menjëherë të vënë në lojë Gyokeres, i cili megjithatë përballet me një prerje të keqe në kokë. Pavarësisht goditjes, suedezi prek me kokë avantazhin, por baskët e çojnë 0-0 deri në pushim. Sulmuesi ish-Sporting Lisbonë flirton me golin edhe në fillim të pjesës së dytë, por për 1-0 londinezët duhet të presin minutën e 72-të: Martinelli, futur pas disa sekondash, shfrytëzon kundërsulmin e nisur nga Trossard dhe mposht Unai Simonin. Vendasit përpiqen të reagojnë, por në minutën e 87-të shemben përfundimisht: rolet ndërrrohen, me Martinellin që shtron për dyfishimin e Trossard. Arsenali fiton 2-0 dhe mbledh tre pikët e para të grupit, Athletic Bilbao i mundur.
PSV-UNION SAINT-GILLOISE 1-3
Rënie e rëndë e PSV-së, e mundur 3-1 në shtëpi nga Union Saint-Gilloise. Formacioni belg nis menjëherë shumë mirë, duke hapur ndeshjen në minutën e 9-të me penalltinë e shndërruar nga David. Vendasit nuk reagojnë, dhe pas gjysmë ore (në minutën e 39-të) miqtë dyfishojnë falë golit të Hadj. Dy skuadrat kthehen në dhomat e zhveshjes në 2-0, por gjërat për holandezët në pjesën e dytë nuk përmirësohen: Union Saint-Gilloise mbrohet mirë dhe shënon përsëri, duke mbyllur çështjen në minutën e 81-të me Mac Allister. Në fund ka vend vetëm për golin e nderit të bardhekuqve, në minutën e 90-të me Ruben van Bommel (djali i Markut). Fiton Union Saint-Gilloise 3-1 dhe rrëmben tre pikë në debutim, humbje e rëndë për PSV-në.
