Raportohet se sulmuesi i Interit, Mehdi Taremi, ka mbetur i bllokuar në Tehran, pasi fluturimet nga të gjitha aeroportet iraniane janë pezulluar pas konfliktit midis Iranit dhe Izraelit.
Sipas raportimeve të Sky Sport Italia, Taremi mbeti në Iran ndërsa skuadra e Interit ka mbërritur në Los Angeles për të nisur përgatitjet për Kupën e Botës për Klube.
Reprezentuesi iranian nuk do të jetë në gjendje të largohet nga Irani derisa të hiqet kufizimi i fluturimeve.
Ndryshe, Interi do të jetë në aksion për herë të parë nën drejtimin e trajnerit të ri Cristian Chivu kundër Monterrey të mërkurën, më 18 qershor (ora 18:00 më 17 qershor, sipas orës lokale në Europë).
