Përfaqësuesja e Lartë e Bashkimit Evropian për Politikën e Jashtme dhe të Sigurisë, Kaja Kallas, deklaroi se lufta e Rusisë kundër Ukrainës mbetet tema kryesore në agjendën e Këshillit të Ministrave të Mbrojtjes të BE-së, që po zhvillohet në Kopenhagen, kryeqytetin e Danimarkës, e cila mban presidencën gjashtëmujore të radhës të BE-së.
“Sulmet e fundit tregojnë se Putini po tallet me çdo përpjekje paqeje që po bëhet. Ajo që duhet të bëjmë është të rrisim presionin mbi Rusinë – kjo është ajo që ai kupton”, u shpreh Kallas para mediave.
Si temë të dytë të diskutimit, Kallas përmendi gatishmërinë mbrojtëse të BE-së, duke theksuar se shtetet anëtare duhet të angazhohen më shumë në fushat ku kapacitetet janë të pamjaftueshme.
“Është e qartë që kemi disa fusha ku duhet të bëjmë më shumë. Pres që vendet anëtare të marrin drejtimin dhe të ecim përpara me projekte konkrete,” deklaroi ajo.
E pyetur për garancitë e sigurisë, Përfaqësuesja e Lartë sqaroi se kontributi i BE-së përfshin:
• Misionin e trajnimit
• Misionin ushtarak
• Mbështetjen për industrinë mbrojtëse të Ukrainës
Këto, sipas saj, mund të përfshijnë edhe vende neutrale. Ajo shtoi se po diskutohen ndryshime në mandatet e këtyre misioneve, për t’i përshtatur pas një marrëveshjeje të mundshme paqeje.
Kallas tha se BE-ja po përgatit një tjetër paketë sanksionesh kundër Rusisë, duke përfshirë:
“Të gjithë e kuptojnë se, me Putinin që tallet me përpjekjet për paqe, vetëm presioni ka efekt,” u shpreh Kallas.
