Të paktën pesë persona janë qëlluar me armë zjarri në një shkollë në qytetin Örebro, në Suedinë qendrore, sipas policisë që tha se rreziku nuk kishte mbaruar, përcjell Gazeta Metro.
Policia suedeze tha të martën se një operacion është “në vazhdim” në shkollë, duke paralajmëruar për një “krim të rëndë”.
Publikut i është kërkuar që të qëndrojë larg zonës dhe të qëndrojë brenda, thuhet në deklaratën e policisë. Nuk dihet se sa persona janë lënduar, shkruan CNN.
Shkolla Campus Risbergska është një qendër edukimi për të rriturit, sipas faqes së internetit të këshillit lokal. Ndodhet rreth 160 kilometra në perëndim të kryeqytetit suedez, Stokholm.
Nxënësit po transferohen nga shkollat pranë vendit të të shtënave, shtoi policia.
“Rreziku nuk ka kaluar”, thuhet në deklaratën e policisë. “Publiku DUHET të vazhdojë të qëndrojë larg.”
