Një zemër gjigante, petale kudo dhe një ngjyrë e kuqe mbizotëruese. Me këtë mënyrë, shkurtin e kaluar Lautaro Martinez i kishte kërkuar ‘dorën’ të dashurës së tij Agustina Gandolfo. Të dy tashmë kanë një vajzë, Nina, dhe presin fëmijën e dytë, Theo. Agustina megjithatë tani do të ketë një status tjetër, sepse nga e dashura është bërë gruaja. Pikërisht kështu, sepse futbollisti argjentinas i Inter dhe Agustina u martuan.
Ceremonia e martesës ishte private, mes pak personave të afërt dhe fare e papublikuar. Aq sa lajmi qarkulloi në internet (në Tëitter) përmes grupit të tifozëve zikaltër “LineaInter”. Të dy thanë “po” në bashki, me një stil joformal. Lautaro ishte veshur me pantallona dhe xhaketë blu plus atlete dhe një bluzë e bardhë. Agustina në anën tjetër ishte me një kostum të bardhë, e portretizuar duke buzëqeshur me një buqetë me trëndafila të bardhë.
Me pak fjalë, një arsye më shumë për Lautaro Martinez për ta kurorëzuar këtë 2022-2023 në atë që bëhet edhe më shumë Milano e tij. Argjentinasi triumfoi në Kupën e Botës, rrëmbeu Superkupën me Inter dhe tani kërkon finalen e Champions.
