Këshilli i Lartë Gjyqësor ka vendosur të fusë në rendin e ditës çështjen që i përket gjyqtares Irena Gjoka. Prokuroria e Posaçme (SPAK) ka regjistruar procedimin penal pas një kallëzimi të depozituar ndaj Gjokës, e cila akuzohet se ka fshehur nga formulari i vetëdeklarimit të pastërtisë së figurës një dënim penal të dhënë nga autoritetet greke në mesin e viteve 2000, për falsifikim pasaporte dhe vize. Kallëzimi është paraqitur në SPAK nga Adriana Kalaja.
Thank you for reading this post, don't forget to subscribe!Sipas SPAK, procedimi penal është regjistruar për veprën penale të parashikuar nga neni 190 i Kodit Penal, “falsifikimi i vulave, stampave ose formularëve”.
Pas një hetimi administrativ që ka zgjatur rreth 20 muaj, Prokuroria e Përgjithshme njoftoi të martën se më 19 janar 2026 i ka përcjellë zyrtarisht rezultatet e verifikimit Këshillit të Lartë Gjyqësor (KLGj), institucioni kompetent për interpretimin e gjetjeve. Akuzat ndaj gjyqtares Gjoka u bënë publike pas firmosjes prej saj të masave të sigurisë ndaj ish-kryeministrit Sali Berisha, në kuadër të dosjes “Partizani”. Berisha dhe mbështetësit e tij e kanë akuzuar në mënyrë të përsëritur gjyqtaren për konflikt interesi dhe për fshehje të së kaluarës, përfshirë edhe dënimin penal në Greqi.
