Mbrëmja finale e edicionit të pestë të “Big Brother VIP Albania” ka kurorëzuar Selin Bollatin si fituese të këtij sezoni shumë të ndjekur.
Balerina, e cila u shndërrua në një nga figurat më të komentuara gjatë gjithë spektaklit, arriti të fitojë zemrat e publikut dhe të sigurojë çmimin e madh prej 100 mijë eurosh përmes votave të teleshikuesve.
Në momentin vendimtar, Selin u gjend në pod përballë Mirit, i cili përfundoi në vendin e dytë pas një gare të fortë dhe emocionuese.
Fitorja e saj u prit me entuziazëm nga fansat, ndërsa rrugëtimi i saj brenda shtëpisë u karakterizua nga performanca, dinamika dhe momente që e bënë protagoniste deri në fund të garës.
