Rusia ka deklaruar se do të ndërpresë të gjitha operacionet ushtarake si pjesë e “armëpushimit të Pashkëve” në Ukrainë.
Në një përditësim në Telegram, Kremlini thotë se armëpushimi i përkohshëm do të zgjasë nga ora 18:00 e ditës së sotme me kohën lokale deri në mesnatën e 21 prillit.
Moska thotë se shpreson që pala ukrainase do të ndjekë shembullin e tyre. Ndërkohë, Kievi nuk ka dhënë ende një përgjigje për propozimin.
“Në të njëjtën kohë, trupat tona duhet të jenë të gatshme për të zmbrapsur shkeljet e mundshme të armëpushimit dhe provokimet nga armiku, çdo veprim agresiv të tij”, thuhet në deklaratë.
