Konflikti mes Rusisë dhe Ukrainës është zhvendosur për herë të parë jashtë kufijve. Mësohet se përfaqësuesit e dy delegacioneve janë përleshur me njëri-tjetrin gjatë punimeve të samitit të Asamblesë Parlamentare të Bashkëpunimit Ekonomik të Detit të Zi që mbahet në Ankara.
Gjithçka nisi kur zëvendëskryetarja e delegacionit rus, Olga Timofeeva, ishte duke mbajtur fjalën e saj. Një anëtar i parlamentit të Ukrainës tentoi ta ndërpriste anëtaren ruse, e cila mbante në kostum një simbol të të ashtuquajturit “operacion special”. Deputeti ukrainas iu afruar Ola Timofeevës dhe tentoi të shpaloste pas saj flamurin verdheblu. Ai u ndalua nga anëtarët e tjerë të delegacionit, që solli një përplasje fizike mes njëri-tjetrit. Shefja e delegacionit të Ukrainës, Anna Purtova, e la vendin bosh gjatë gjithë fjalimit të Timofeevas.
