Vendi ynë është përfshirë që ditën e djeshme nga moti i keq. Reshjet e dendura shiu “pushtuan” qytetet e vendit ndërsa janë regjistruar edhe problematikat e para. Në qarkun eKukësit ka probleme në lëvizjen e akseve nacionale e rurale.
Mësohet se akset rrugore si Kukës-Bushtricë, Kukës-Shishtavec, Krumë-Kam-Tropojë, Bajram Curri-Fierz-Qaf Mali vijojnë të jenë të përfshira nga rënja e gurëve e dherave. Situata paraqitet problematike në aksin kombëtarë Kukës-Qaf Mali-Pukë ku nga segmenti Kolsh-Qaf Shllak ka prezencë të gurëve e dherave në rrugë, ndërsa njëra korsi vende vende është e bllokuar nga gurët e dherat.