Nga njëra anë lehtësia për konfirmimin e José Mourinho. Nga ana tjetër goditja e fortë e Tammy Abraham, që u largua nga fusha me një dëmtim të rëndë në gju që do ta mbajë larg fushave për rreth 5-6 muaj. Në fund të ndeshjes së fituar me përmbysje ndaj Spezia, verdhekuqtë garantuan hyrjen në Europa League të radhës. E kështu, trajneri portugez i lejoi vetes një xhiro në fushë, i shoqëruar nga ovacionet e tifozëve. Special One, i prekur emocionalisht, iu përgjigj atyre që e pyesnin nëse do të qëndronte. Gjesti i portugezitishte i pangatërrueshëm: duke treguar tokën dhe duke imituar një elokuente “Unë do qendroj këtu”. Portugezi i jep fund kështu dilemave për të ardhmen e tij, që edhe për një sezon do të jetë në Romë.
Kontrata e Jose Mourinho me Romën skadon në vitin 2024 dhe Mou ka refuzuar ofertën e Chelsea. Portugezi kishte thënë se ai dëshironte të fliste fillimisht me Friedkin. Divorci dukej i sigurtë, sepse në sfond ishte edhe PSG. Është e qartë se, në rast se ai nuk ka siguri për dëshirën e klubit verdhekuq për të krijuar një ekip rivalizues, ai do të largohej. Siguri që siç duket e marrë. Një dalje nga Roma pas dy vitesh dashuri, me trajnerin që fiton 7 milionë neto. Në Paris paga do të ishte sigurisht shumë më e lartë, ashtu si dhe mundësitë e shpenzimeve në merkato. Por ndonjëherë vlen zemra.
💛🏟️❤️ #ASRoma pic.twitter.com/e0g74x2M3X
— AS Roma (@OfficialASRoma) June 4, 2023
Shumë të ndryshme ndjesitë që shoqëruan dëmtimin e Abraham, që për më tepër ishte lojtari në qendër të merkatos. Sulmuesi anglez u largua nga fusha me barelë dhe i përlotur. Në vend të tij u aktivizua Wijnaldum, i përshëndetur me goditje nga Olimpico. Testet që iu nënshtrua ish-sulmuesi i Chelsea gjatë natës konfirmuan atë që të gjithë kishin frikë: “Trauma shembje me dëmtim të ligamentit të majtë të kryqëzuar anterior të gjurit”.
