Një video intime me protagonistë dy punonjës të Romës bëri xhiron në Trigoria, duke ndezur një çështje të vërtetë. Materiali u shpërnda nga një lojtar i të rinjve të verdhekuqve, i cili i kishte kërkuar 30-vjeçares së përfshirë celularin për të bërë një telefonatë. Ajo që shkaktoi stuhinë ishte lajmi i shkarkimit, nga Roma, të punonjëses së administratës. Por të njëjtin fund, zbuloi sot Corriere della Sera, pati edhe partneri i pranishëm në video. Bëhej fjalë për një nga eprorët e saj, i cili gjithashtu u largua nga zyrat e Romës.
Shkarkimet ishin dy, të justifikuara – lexohet në të përditshme – me faktin se kishin shkelur politikën e etikës korporative të sjelljes që duhet ndjekur brenda shoqërisë. Kështu, nuk ka asnjë diskriminim gjinor pas largimit nga puna të 30-vjeçares. Një detaj që nuk është aspak i parëndësishëm, nisur nga fakti se pikërisht nga ky aspekt ishte konsideruar skandal nga pjesa më e madhe e opinionit.
Për futbollistin e të rinjve, ndërkohë, ai që ka parë videon në celularin e punonjëses dhe më pas e ka shpërndarë, ende nuk është marrë asnjë masë. Prej tre vjetësh te Roma, djali, i cili në atë kohë sapo kishte mbushur 18 vjeç (ngjarja ka ndodhur në nëntorin e kaluar), ka qenë me ekipin e parë pa debutuar asnjëherë. Për momentin avokati i punonjëses nuk ka bërë denoncim ndaj tij: objektivi i avokatit mbrojtës është që gruaja të rikthehet në vendin e saj të punës.
