Ka rinisur sot procesi i rinumërimit të votave të ardhura nga diaspora, një procedurë e gjatë dhe e ndërlikuar që po zhvillohet nën mbikëqyrje të rreptë. Siç raportohet numëruesit janë rikthyer në tavolinat e tyre dhe po vijojnë me hapjen e zarfeve dhe verifikimin e fletëve të votimit.
Gjithashtu raportohet se procesi po ecën me ritme të ngadalta për shkak të lodhjes së numëruesve dhe ndërprerjeve të herëpashershme. Po ashtu deri më tani, as gjysma e votave të diasporës nuk janë numëruar, ndërkohë që pritet që edhe votat nga Greqia të kërkojnë kohë të konsiderueshme për tu përfunduar të gjitha.
