Sonte në orën 21:00 në Santiago Bernabeu do të zhvillohet ndeshja e madhe mes Real Madrid dhe Barcelonës, për javën e njëmbëdhjetë të La Liga. Në kuadër të El Clasico ka nisur edhe gjuetia për bileta, të nxjerra në shitje nga Blancos nga 130 deri në maksimumin 800 euro. Në këtë drejtim përshtatet edhe skenari i tregut të zi, ku kuponët janë hedhur në shitje me çmime surreale.
Real-Barca: bileta deri në 2500 euro
Një fenomen, ai i tregut të zi, i cili është ende jashtëzakonisht i përhapur: nga hetimi i kryer nga Cadena Ser (transmetues radiofonik spanjoll), në fakt, rezultoi se në qarqet ilegale të sipërpërmendura shiteshin bileta duke filluar nga 1000 euro e lart, deri në maksimum 2500. E të mendosh se bëhet fjalë për tribunat anësore. Sidoqoftë, për një Real Madrid-Barcelona ndoshta edhe ia vlen.
