Reagimi i Real Madrid pas shortit të Champions me City: “Janë po aq të lumtur sa ne”

Real Madrid dhe Manchester City do të përballen sërish në një përplasje që tashmë është kthyer në një klasike të futbollit evropian. Fitueset e tre edicioneve të fundit të Champions League do të ndeshen për të pestën herë në pesë vitet e fundit, këtë herë në një play-off historik, të cilat shumë i konsiderojnë si një finale e parakohshme. Lajmi i madh është se njëra prej tyre nuk do të kalojë në fazën e 1/8-ave, një skenar që pak kush mund ta kishte parashikuar duke marrë parasysh nivelin e dy klubeve dhe cilësinë e lojtarëve në dispozicion.

Thank you for reading this post, don't forget to subscribe!

Real Madrid mund të ishte përballur me një kundërshtar më të lehtë, si Celtic, por fati nuk ishte në anën e tyre. Megjithatë, në Valdebebas nuk pati panik apo shqetësim kur u mësua se do të përballeshin me Pep Guardiolën. Askush nuk u zhyt në pesimizëm, duke ndjekur shembullin e teknikut Carlo Ancelotti, i cili pas ndeshjes së fundit të Champions League nuk dha asnjë shenjë shqetësimi.

Si reaguan lojtarët e Real Madridit pas shortit?
Në Madrid të gjithë shpresonin që nga shorti të dilte emri i Celtic, por fati e deshi që të përballen me Manchester City. Njëra prej dy superfuqive evropiane do të dalë nga gara që në fazën e play-off, një skenar i pabesueshëm për dy skuadra që zakonisht shihen si pretendentë për trofeun.

Pavarësisht kësaj, në qendrën stërvitore të Realit nuk pati ankesa për këtë përballje, e cila ishte ndoshta kundërshtari më i fortë i mundshëm. Sipas Marca, të gjithë lojtarët e Real Madrid e pranuan qetësisht fatin e tyre, duke ndjekur shembullin e trajnerit Carlo Ancelotti, i cili nuk ka bërë asnjë koment apo preferencë mbi kundërshtarët.

 

Motoja e kampionëve spanjollë për këtë duel është e qartë: “Ata janë po aq të lumtur sa ne”. Real Madrid e di se, edhe në momentet e vështira, mund të luajë shanset e tij deri në fund. Los Blancos përfunduan në vendin e 11-të në renditjen e fazës së kampionatit, duke mbetur jashtë Top 8, por City e pati edhe më keq, duke u renditur në vendin e 22-të dhe duke rrezikuar eliminimin vetëm për dy gola diferencë në ndeshjen e fundit kundër Club Brugge.

“Nuset e Vilës Blu” – Roman nga Flamur Buçpapaj

Romani i ri i autorit Flamur Buçpapaj, botuar nga Nacional, sjell një udhëtim mes dashurisë, dhimbjes dhe kujtesës – aty ku e kaluara dhe e tashmja takohen në një vilë blu plot sekrete. Gjej librin në libraritë kryesore dhe mëso pse “Vila Blu” nuk është thjesht një vend… por një simbol i shpirtit shqiptar. Për porosi ose kontakt: 067 533 2700
Scroll to Top