Kryeministri Edi Rama pritet të nis sot një tur falenderimi në të gjitha bashkitë ku PS fitoi më 14 maj.
Ashtu sic e kishte paralajmëruar, ky tur do të nis nga Shkodra, ku PS do ta drejtojë për herë të parë këtë bashki.
Një fitore historike e kanë cilësuar të majtën, atë në Shkodër ku Benet Beci mori një numër të konsiderueshëm votash në krahasim me rivalin e tij Bardh Spahia të “Bashkë Fitojmë”.
Rama pritet të jetë sot mbasdite në kryqendrën e veriut për të vijuar me turin e tij në bashkitë e tjera.