Kryeministri Edi Rama ka ndarë mëngjesin e ditës së sotme në një postim në Facebook pamjet nga takimi i zhvilluar me Kryeministren e Italisë Giorgia Meloni.
Kryeministri Rama është pritur në një ceremoni zyrtare në Palazzo Chigi, ku u zhvillua një takim i përbashkët mes delegacioneve nga të dy vendet.
Në postimin e tij Kryeministri Edi Rama ka theksuar bashkëpunimin dhe miqësinë vëllazërore mes dy vendeve.
Postimi i Kryeministrtit Edi Rama në Facebook:
“MIRËMËNGJES
dhe me fotoalbumin e një vizite me plane e projekte konkrete, në atmosferën e një mikpritjeje vëllazërore e të një vullneti mbresëlënës të palës italiane, për të thelluar raportin e miqësisë tradicionale, marrëdhëniet e partneritetit strategjik, si edhe të interesave të përbashkëta ekonomike, duke çliruar shumë më tepër nga potenciali i madh që ka bashkëpunimi mes dy vendeve tona, ju uroj një ditë të mbarë”
