Ka përfunduar takimi i kryeministrit Edi Rama me liderët e Ballkanit Perëndimor në Tiranë, në kuadër të procesit të Berlinit. Në përfundim, Rama ka dalë nga takimi i shoqëruar nga kryeministrja e Serbisë Bërnabiç, siç shihet edhe në foton më lart.
Kujtojmë se i pranishëm në këtë mbledhje ka qenë edhe komisionari i Bashkimit Evropian për Fqinjësi dhe Zgjerim, Oliver Varheyli.
Takimi është menduar të zhvillohet në kuadër të përgatitjeve për samitin e Procesit të Berlinit, që do të mbahet në kryeqytetin e Shqipërisë, më 16 tetor.
Ky takim është thënë se ka për qëllim diskutimin dhe koordinimin, për të hartuar kërkesa të përbashkëta, për t’i paraqitur në samitin e tetorit, ku pritet të marrin pjesë udhëheqës të vendeve të Bashkimit Evropian.
Kryeministri i Kosovës, Albin Kurti nuk ishte në takim pasi prej muajsh kishte planifikuar një takim në Greqi, ndërsa ftesa për në Tiranë i erdhi rreth një javë më parë.