Tensioni është ende shumë i lartë mes Ralf Schumacher dhe ish-gruas së tij Cora Brinkmann, pas daljes hapur të ish-pilotit të F1 se është homoseksual. Ditët e fundit, në një intervistë me Der Spiegel, Cora kishte akuzuar Ralfin se ia kishte mohuar gjithmonë homoseksualitetin e tij dhe se e kishte përdorur atë. Fjalë të tretura keq nga Schumacher, i cili si përgjigje vendosi të publikonte një bisedë në WhatsApp në profilin e tij në Instagram që i takon fundit të vitit 2023. Biseda ishte mes saj dhe partnerit të tij aktual, Etienne, në të cilën gruaja e uron dhe thotë se është e lumtur për ta, si për të dëshmuar se ishte plotësisht e vetëdijshme dhe e përfshirë në situatë para se ai të bënte ‘coming out’.
“Cora na uroi në fillim të tetorit 2023 sepse mendonte se ishim martuar – ishin fjalët e Ralf në rrjetet sociale -. Edhe ajo ishte e lumtur, siç mund ta shihni nga ky mesazh drejtuar personalisht Etienne. Mendoj se është mëkat për mua dhe Etienne që ajo përhap kaq shumë gënjeshtra. Ne duam vetëm të na lënë të qetë”.
Përgjigja që erdhi nga Cora, sërish në rrjetet sociale, ishte shumë e ashpër: “Sa patetik duhet të jetë një person që publikon mesazhe private në WhatsApp për të fshehur të vërtetën? Ai shkel në mënyrë flagrante të drejtat e mia personale, në vend që të më afrohet dhe të më thotë të vërtetën të paktën tani. Ma prezantoi Etienne vetëm si asistentin e tij personal, jo si partnerin e tij. Whatsapp ishte përpjekja ime e fundit për të provuar të zbuloja të vërtetën të paktën prej tij”.
MESAZHI I RALF SCHUMACHER
