Reperi Fatman Scoop ka ndërruar jetë në moshën 53-vjeçare, ka njoftuar familja e tij në një postim në Instagram.
Vdekja e tij erdhi në mënyrë tragjike, ku u rrëzua në skenë gjatë një shfaqjeje në Connecticut. Ndërsa personat që ndodheshin pranë u përpoqën t’i jepnin ndihmën e shpejtë, anëtarët e tij u përpoqën të qetësonin turmën duke luajtur më shumë këngë.
“Mbrëmë bota humbi një shpirt rrezatues, një fener drite në skenë dhe në jetë”, tha familja në njoftim . “FatManScoop nuk ishte thjesht një interpretues i klasit botëror, ai ishte baba, vëlla, xhaxha dhe mik. Ai ishte e qeshura në jetën tonë, një burim i vazhdueshëm mbështetjeje, forcë e patundur dhe guxim.
FatMan Scoop ishte i njohur në botë si zëri i padiskutueshëm i klubit. Ai na bëri të kërcejmë dhe të përqafojmë jetën me pozitivitet. Gëzimi i tij ishte infektues dhe bujaria që ai u tregoi të gjithëve do të na mungojë thellësisht, por kurrë nuk do të harrohet.”
